Microwaved Tahong (Mussel)

break

Masarap ang tahong lalo na kapag nabili mo ito ng fresh at kaa-ahon pa lang. Dito sa Cavite, very common ang mga seafoods at shellfoods lalo na po sa area ng Talaba (Bacoor) at Binakayan (Kawit) . Sa presyo, up-and-down ang halaga lalo na kapag may red tide, nagmumura ito kapag nilalabas sa balita kapag may redtide. And of course, maganda ang pagkain ng mga seafoods at shellfoods kagaya nito para maiwasan ang hypo at hyper thyroidism (Goiter).

One time, habang nag-babasa din ako ng mga blogs about filipino foods, madalas na nakikita kong wordstring ay tungkol sa baked tahong. At noong nakita ko yung picture na pagkatapos maluto yung baked tahong, natakam ako. Siyempre, mahilig din ako sa cheesy foods. Actually, first time kong naka-tikim ng ganito sa Tropa ng Kuya Aron ko.

So, heto yung mga nabili kong ingredients:

1/2 gallon tahong (mussel)
Tatlong Pirasong Bawang (3 pcs of Garlic)
Sibuyas (Onion)
Quickmelt na Keso (Quick Melt Cheese)
Mantikilya (Salted Butter)
Paminta (Pepper)



So first, after you buy tahong, babad ninyo muna sa tubig. Tapos, kung matatanggal ninyo yung mga kumapit na maliliit na shells ay mainam. Tapos, Pakuluan ang mga tahong para bumuka ang mga ito. Ako kasi, pinakuluan ko ito ng may asin, suka at luya para medyo ma-lessen ang lansa. Tapos, tinapon ko yung pinagpakuluan dahil hindi ko naman na kailangan yung sabaw pero yung iba na nag-luluto nito ay tinatabi para may sabaw kapag ini-ulam ito sa kanin. Yung mga hindi bumukas na tahong ay pabayaan na lang. Tanggalin ang shell na walang tahong at tanggalan ng buhok, sa lutong ito, tinatanggalan talaga ng buhok lalo na kung ise-serve mo ito sa handaan o inuman.

Second, maglagay ng tatlong kutsarang mantikilya (salted butter) sa isang prituhan. Isunod dito ang Bawang na mininced at sibuyas. Lutuin ito hanggang sa mag-golden brown ang bawang. Pagkatapos gawin ito ay ilagay ito sa isang bowl.

Third, lagyan n'yo ng prinitong bawang at mantikilya ang bawat piraso ng tahong. Ang purpose kasi ng butter at garlic ay para magkalasa ang tahong at para hindi dumikit ng todo ang keso sa shell nito.

Fourth, mag-grate kayo ng quickmelt. Lagyan ang bawat piraso o sa isang microwave glass pan, ibuhos ito sa ibabaw ng pinagsama-samang tahong. Mas marami, mas mainam.

Fifth and last is ilagay ito sa Microwave Oven. Sa akin kasi, sinet ko yung temperature sa medium high at hanggang 2 minutes. Tapos, budburan ito ng pepper powder para mas malasa.

Na-serve ko ito sa lima kasi binigyan ko ng konti ang Lola ko sa kabilang bahay. Yung iba, medyo naging madikit yung cheese sa shell. Pero yung iba naman, ok.

Nagustuhan nila yung gawa ko. Pero ako, parang hindi pa ako na-satisfy sa niluto ko. Ang balak ko pang gawin next time naman is haluan ito ng coconut cream, gatas at cheese whiz para mas creammy at mas masarap.

Bale ang nagastos ko sa niluto kong ito is about Php. 150 at ang naging servings nito ay 5 persons. Actually, kung may left-over kayong tahong jan na niluto lang sa suka at luya, pwede nyo rin pong gawin ito.